Sustaršynia kampanii «Havary praŭdu» Taćciana Karatkievič zarehistravanaja kandydatam u deputaty Pałaty pradstaŭnikoŭ pa Kastryčnickaj akruzie № 97 Minska. Adpaviednaje rašeńnie 9 žniŭnia pryniała akruhovaja vybarčaja kamisija.
Jak paviedamiła Karatkievič, u kamisii nie było pretenzij da sabranych podpisaŭ u padtrymku vyłučeńnia kandydatam u deputaty. U toj ža čas, adznačyła jana, kamisija ŭźniała pytańnie ab daterminovaj ahitacyi. «Inicyjatyŭnaj hrupie nie vynosili papiaredžańnia, adnak mnie paviedamili, što ŭ kamisiju pastupiła zajava, što ja zajmałasia ahitacyjaj. Na samoj spravie heta była abjava, jakuju ja vykarystała, kab sabrać kamandu. Na padjezdach my raźviešvali abjavy z zaklikam da ludziej uvajści ŭ inicyjatyŭnuju hrupu. Heta nie byŭ razdatačny materyjał», — patłumačyła kandydat u deputaty.
Karatkievič paviedamiła, što ŭ najbližejšych płanach jaje kamandy praviadzieńnie aktyŭnaj ahitacyjnaj kampanii.
Pretendenty ad «Havary praŭdu» vystupajuć na parłamienckich vybarach z ahulnaj stratehijaj mirnych pieramienaŭ i adzinym pasłańniem da vybarščykaŭ.
Karatkievič udzielničała ŭ vybarach 2015 hoda ŭ jakaści kandydata ŭ prezidenty.
