Fota sozh.info.
«Užo siońnia chaciełasia b adznačyć, što vielmi niadrenna prajšło centralizavanaje testavańnie. Arhanizavana ŭsio było davoli paśpiachova, a dzieci pakazali ŭ hetym hodzie bolš vysokuju jakaść viedaŭ:
330 testaŭ byli napisany na 100 bałaŭ, try abituryjenty atrymali vyšejšyja bały pa ŭsich troch testach, 15 abituryjentaŭ atrymali pa 100 bałaŭ pa dvuch testach. A ŭ cełym viedy davoli niadrennyja», — padkreśliła Natalla Kačanava.
Bolš vysoki ŭzrovień viedaŭ, pavodle jaje słoŭ, pakazvajuć abituryjenty, jakija skončyli profilnyja kłasy, licei i himnazii.
«Siońnia nie tolki licei i himnazii, ale i profilnyja kłasy dajuć mahčymaść atrymać dastatkova vysoki ŭzrovień viedaŭ, nie źviartajučysia da pasłuh repietytarstva», — adznačyła namieśnik premjer-ministra.
Pavodle papiarednich dadzienych, u biełaruskija VNU ŭžo zaličana 55,5 tysiač abituryjentaŭ, u tym liku na biudžet 27,2 tysiačy čałaviek, na ŭmovach apłaty — 28,3 tysiačy. Na ŭmovach metavaj padrychtoŭki ŭ VNU pryniata bolš jak 2,2 tysiačy abituryjentaŭ. Pryčym u asnoŭnym na sielskahaspadarčyja i miedycynskija śpiecyjalnaści.
Top-10 śpiecyjalnaściaŭ z samymi nizkimi i samymi vysokimi prachadnymi bałami na biudžet
