Turcyja i Rasija majuć namier zasnavać «miechanizmy pa sumiesnaj abaronie, vyviedcy i dypłamatyi», raskazaŭ ministr zamiežnych spraŭ Turcyi Mieŭlut Čavušahłu u intervju ahienctvu Anadału.
Jon zajaviŭ, što ŭ Maskvy i Ankary padobnyja pohlady na nieabchodnaść pieramirja ŭ Siryi, pradastaŭleńnie humanitarnaj dapamohi i palityčnaje vyrašeńnie siryjskaha kryzisu.
Čavušahłu zaŭvažyŭ, što prymireńnie z Rasijaj nie zadumvałasia jak sposab padać sihnał Zachadu. Adnak, adznačyŭ jon, kali Zachad «stracić Turcyju», heta budzie vynikam jaho ŭłasnych pamyłak, a nie śledstvam dobrych adnosin Ankary i Maskvy.
«Jany pravalili pravierku paśla sproby pieravarotu», — prakamientavaŭ Mieŭlut Čavušahłu pazicyju zachodnich lidaraŭ.
0
0
0
0
0
0
