Prezident Rasii Uładzimir Pucin pravioŭ apieratyŭnuju naradu z pastajannymi členami Savieta biaśpieki RF, na jakim abmiarkoŭvali situacyju ŭ anieksavanym Krymie.
kremlin.ru
Pra heta paviedamlaje pres-słužba prezidenta RF 11 žniŭnia.
«Abmiarkoŭvalisia dadatkovyja miery zabieśpiačeńnia biaśpieki hramadzian i žyćciova važnych abjektaŭ infrastruktury Kryma ŭ suviazi z praduchileńniem śpiecsłužbami Rasijskaj Fiederacyi teraktu na paŭvostravie», — havorycca ŭ paviedamleńni.
«Padrabiazna razhladalisia scenary mier antyterarystyčnaj biaśpieki na suchaputnaj miažy, u marskoj akvatoryi i ŭ pavietranaj prastory Kryma», — dadaje pres-słužba prezidenta RF.
Akramia taho, na naradzie hruntoŭna abmiarkoŭvali damoŭlenaści, dasiahnutyja pa vynikach mižnarodnych sustreč Pucina ź lidarami Azierbajdžana, Irana, Turcyi i Armienii.
«Akramia mižnarodnaha paradku dnia ŭdzielniki abmierkavali biahučyja ŭnutryrasijskija sacyjalna-ekanamičnyja pytańni», — havorycca ŭ paviedamleńni.
U naradzie ŭziali ŭdzieł kiraŭnik rasijskaha ŭrada Dźmitryj Miadźviedzieŭ, kiraŭnik Administracyi prezidenta RF Siarhiej Ivanoŭ, kiraŭnik Dziaržaŭnaj Dumy RF Siarhiej Naryškin, ministr unutranych spraŭ Uładzimir Kałakolcaŭ, sakratar Savieta biaśpieki Mikałaj Patrušaŭ, ministr abarony Siarhiej Šajhu, ministr zamiežnych spraŭ Siarhiej Łaŭroŭ, dyrektar FSB Alaksandr Bortnikaŭ, dyrektar Słužby źniešniaj vyviedki Michaił Fradkoŭ, namieśnik sakratara SB Rašyd Nurhalijeŭ.
Jak viadoma, 7 žniŭnia akupacyjnyja ŭłady ŭ Krymie pačali abmiažoŭvać ruch na punktach propusku na adminmiažy z anieksavanym Krymam. Paralelna na paŭvostravie rasła vajennaja prysutnaść rasijskaj armii, što aficyjna tłumačać vajennymi vučeńniami.
Razam z tym, rasijskija ŚMI raspaŭsiudzili infarmacyju pra napad sa stralboj na rasijskuju vajskovuju čaść u Armiansku, z pryčyny čaho adzin čałaviek pamior, troje paranienyja. Śćviardžałasia, što ŭ noč na 7 žniŭnia z ukrainskaha boku sprabavali «ździejśnić dyviersiju» na miažy z paŭvostravam.
U Hienštabie Minabarony Ukrainy abviarhali datyčnaść ukraincaŭ da hetaha. U Krymie ž pačali šukać ludziej u kamuflažy.
Akramia taho, Fiederalnaja słužba biaśpieki Rasii abvinavaciła Ministerstva abarony Ukrainy ŭ padrychtoŭcy teraktaŭ u Krymie, nazvaŭšy arhanizataram płanavanych teraktaŭ žychara Enierhadara, byłoha ŭdzielnika ATA, a siahońnia vałanciora Jaŭhiena Panova.
Pradstaŭniki ŭkrainskaj ŭłady abvinavačańni FSB adkidajuć i padazrajuć rasijskija ŭłady ŭ pravakacyjach z metaj apraŭdańnia svaich ahresiŭnych dziejańniaŭ.
10 žniŭnia sam prezydent Rasii Uładzimier Pucin abvinavaciŭ ułady Ukrainy ŭ «pierachodzie da teroru», a prezident Ukrainy Piatro Parašenka nazvaŭ fantazijami abvinavačvańni RF u padrychtoŭcy teraktaŭ u Krymie ukrainskimi vajskoŭcami.
