Premjer-ministr Rasii Dźmitryj Miadźviedzieŭ zajaviŭ, što Maskva moža pajści na razryŭ adnosin z Ukrainaj, kali ŭ jaje nie zastaniecca nijakich inšych miechanizmaŭ, kab paŭpłyvać na situacyju.
Reuters
«Što tyčycca razryvu dypłamatyčnych adnosin, vy viedajecie, u historyi ŭsiakaje byvała. Nahadaju, što paśla viadomych padziej u nas akazalisia razarvanymi dypadnosiny z Hruzijaj», — skazaŭ Miadźviedzieŭ žurnalistam u Sočy.
«Ja b nie chacieŭ, kab heta tak zaviaršyłasia», — dadaŭ jon. Miadźviedzieŭ padkreśliŭ, što kančatkovaje rašeńnie prymajecca prezidentam krainy.
Raniej rasijski prezydent Uładzimier Pucin paabiacaŭ, što nie pakinie biez uvahi mierkavanaje zabojstva dvuch rasijskich vajskoŭcaŭ u Krymie, abvinavaciŭ ŭkrainskija ŭłady ŭ terory i zajaviŭ, što pravodzić sustreču ŭ «narmandskim farmacie» u vieraśni ličyć «biessensoŭnym».
Prezident Ukrainy Piatro Parašenka adkazaŭ sustrečnymi abvinavačvańniami ŭ terory i zaklikaŭ Rasiju viarnucca za stoł pieramovaŭ.