Fota getty images.
Jak pieradajuć kitajskija srodki masavaj infarmacyi, 31-hadovaja žančyna pa proźviščy Fań ździajśniała piacidzionny kruiz na ciepłachodzie kampanii Royal Carribean z Šanchaja ŭ Paŭdniovuju Kareju i Japoniju.
U minułuju sieradu, 10 žniŭnia, nieaściarožna pierahnuŭšysia praz aharodžu, jana zvaliłasia ŭ mora z čaćviortaj pałuby (vyšynia siamipaviarchovaha doma), atrymaŭšy pry hetym tolki nievialikija traŭmy.
Pasažyrka sprabavała pryciahnuć uvahu kamandy i publiki krykami ab dapamozie, ale nichto jaje tak i nie pačuŭ.
Praź niekalki hadzin žančyna kančatkova vybiłasia ź sił. Niejkim čynam u jaje atrymoŭvałasia trymacca na płavu i pry hetym čas ad času dramać.
U piatnicu, pračnuŭšysia ranicaj, jana zaŭvažyła rybackuju łodku, jakaja i vyratavała jaje.
Adbivałasia ad mieduz
Razam z Fań, śćviardžajuć kitajskija ŚMI, na łajniery znachodzilisia jaje baćki, jakija zaŭvažyli jaje adsutnaść tolki praź niekalki hadzin.
Pa źviestkach presy, baćka admaŭlaŭsia vieryć, što jaho dačka žyvaja, da taho času, pakul nie pahavaryŭ ź joj pa telefonie.
Zvyšdoŭhaje znachodžańnie ŭ marskoj vadzie, miarkujučy pa ŭsim, nijak nie adbiłasia na zdaroŭi Fań: žančyna tolki paskardziłasia na puchiry, jakija ŭtvarylisia na rukach ad kantaktu ź mieduzami.
U sacyjalnych sietkach źjavilisia zdahadki, što kitajancy ŭdałosia vyžyć dziakujučy dobraj spartyŭnaj padrychtoŭcy: jana pačała płavać ź piaci hadoŭ, zajmałasia sportam va ŭniviersitecie.
