Kiraŭnik Jeŭrapiejskich alimpijskich kamitetaŭ Patryk Chiki aryštavany ŭ Rya-de-Žaniejra pa spravie ab niezakonnym prodažy kvitkoŭ na Alimpijadu.
71-hadovy siabra MAK padazrajecca ŭ niezakonnaj pieradačy kvitkoŭ pierakupščyku dla prodažu ich pa zavyšanych cenach. Za dzień da hetaha ŭ Rya byŭ zatrymany mužčyna z 800 kvitkami na spabornictvy, pradavać jakija jon nie mieŭ prava.
Pavodle zajavy palicyi, Chiki, jaki taksama ŭznačalvaje Nacyjanalny alimpijski kamitet Irłandyi, pry aryšcie pasprabavaŭ źbiehčy.
Palicejskija raspaviali, što kali jany pahrukali, čynoŭnik prasunuŭ pad dźviery svoj propusk na Alimpijadu, a zatym źbieh u susiedni numar hatela, dzie da niadaŭniaha času žyŭ jaho syn.
Paśla aryštu Chiki stała błaha, jamu akazali miedycynskuju dapamohu.
Pa dadzienych brazilskich ŚMI, aryšt Chiki moža być źviazany z zatrymańniem Kievina Džejmsa Mełana ŭ dzień cyrymonii adkryćcia.
Mełan uznačalvaŭ kampaniju THG Sports, jakaja mierkavana taksama zajmałasia niezakonnym pieraprodažam biletaŭ na Alimpijadu. U kampanii admaŭlajuć parušeńni.
JEAK — mižnarodnaja alimpijskaja arhanizacyja, jakaja abjadnoŭvaje niekalki dziasiatkaŭ nacyjanalnych alimpijskich kamitetaŭ Jeŭropy.
