U śpisie kandydataŭ, vyłučanych u členy savieta respubliki ad Minska, jość ministr pracy i sacyjalnaj abarony Marjana Ščotkina.
Pavodle artykuła 1 zakona «Ab statusie deputata», člen savieta respubliki nie moža być adnačasova členam urada.
Takim čynam, Ščotkina, paśla farmalnaha zaćviardžeńnia svajoj kandydatury miascovymi deputatami, sydzie z urada.
Taki ž los čakaje namieśnicu ministra justycyi Ału Badak.
* * *
Niepasredna sami vybary «sienataraŭ» projduć z 25 žniŭnia pa 13 vieraśnia na pasiadžeńniach miascovych savietaŭ deputataŭ. Vyniki vybaraŭ pavinny być kančatkova padviedzieny nie paźniej za 30 vieraśnia.
Saviet respubliki — adna z dvuch pałat parłamienta Biełarusi. U jaje ŭvachodziać 64 čałavieki, i jana ličycca pałataj terytaryjalnaha pradstaŭnictva. Pry hetym 56 čałaviek abirajucca, a jašče 8 pryznačaje prezident Biełarusi.
* * *