Były prezident Francyi Nikala Sarkazi ŭ paniadziełak zajaviŭ, što jon budzie ŭdzielničać u prezidenckich vybarach u 2017 hodzie.
«Ja vyrašyŭ stać kandydatam na prezidenckich vybarach u 2017 hodzie», — pra heta Sarkazi paviedamiŭ u svaim tvitary.
U sieradu vyjdzie novaja kniha Sarkazi «Usio dla Francyi». U tvitary były prezident apublikavaŭ jaje vokładku i cytatu ź jaje. Zhodna z hetaj cytacaj, były prezident adčuvaje, što ŭ jaho dastatkova sił, kab znoŭ uznačalić krainu ŭ składany dla jaje histaryčny pieryjad.
Sarkazi byŭ prezidentam Francyi z 2007 pa 2012 hady. Na vybarach u 2012 hodzie jon prajhraŭ ciapierašniamu prezidentu Fransua Alandu.
Aland taksama nie vyklučaje, što pojdzie na druhi termin. Adnak jaho rejtynh surjozna paciarpieŭ na fonie niepapularnych reformaŭ, jakija pravodzić urad.
Sarkazi ličać supiarečlivym palitykam. U Francyi pačataje aficyjnaje rasśledavańnie suprać Sarkazi ŭ suviazi z padazreńniami, što jaho vybarčaja kampanija finansavałasia nielehalna. Byłoha prezidenta zatrymlivali dla dopytu ŭ palicyi, jaki doŭžyŭsia 15 hadzin.
