U Ašdodzie (Izrail) pamior apošni abaronca Bresckaj krepaści Barys Fajerštejn. Pra heta ŭ aŭtorak, 23 žniŭnia, paviedamlaje Jewish.Ru.
Vieteranu było 96 hadoŭ. Pavodle infarmacyi partała IzRus, jon naradziŭsia 21 červienia 1920 hoda. Fajerštejn sustreŭ pačatak vajny ŭ Piatym forcie krepaści. Paśla adstupleńnia jon byŭ kantužany i trapiŭ u pałon. Vyžyć udałosia dziakujučy viedańniu tatarskaj movy: padčas «sielekcyi» jon nazvaŭsia krymskim tatarynam Barysam Nieścieravym.
U mai 1945 hoda vieterana vyzvalili z fašysckaha pałonu i źmiaścili ŭ saviecki filtracyjny łahier. Vyjšaŭšy adtul, Fajerštejn źjechaŭ u Džankoj, dzie šmat hadoŭ pracavaŭ nastaŭnikam u škole.
U 1990-ch repatryjavaŭsia ŭ Izrail, dzie da apošnich dzion byŭ aktyvistam vieteranskaj arhanizacyi i arhanizataram šachmatna-šašačnych turniraŭ.
Vydańnie «Vieści Izrail» apublikavała na svajoj staroncy ŭ Facebook niekrałoh i histaryčny kadr, na jakim pažyły Fajerštejn pakazany na fonie svajoj davajennaj fatahrafii.
