Uviečary 26 žniŭnia ŭ Breście adbyłasia avaryja sa śmiarotnym zychodam.
Pavodle papiaredniaj infarmacyi, kala 21:45 hadzin 21-hadovy bieraściejec ruchaŭsia pa Varšaŭskaj šašy za rulom «Falksvahien Pasat». Jon ździejśniŭ najezd na piešachoda, jaki pierasiakaŭ prajeznuju častku pa-za piešachodnym pierachodam.
U vyniku najezdu piešachod zahinuŭ na miescy. U ciapierašni čas vyznačajecca asoba zahinułaha mužčyny. Pa fakcie DTZ pravodzicca pravierka.
Viadoma, što za 30 chvilin da śmiarotnaha najezdu zahinuły sprabavaŭ rukoj spyniać mašyny, znachodziačysia na abočynie, adnak nichto nie spyniaŭsia.
DAI nahadvaje, što ŭ takoj situacyi varta padabrać čałavieka albo pazvanić pa numary 102.
0
0
0
0
0
0
