— Zdareńnie adbyłosia ŭ čaćvier, 25 žniŭnia ŭ Maładziečnie, — raskazvajuć «Rehijanalnaj haziecie» susiedzi pa haražy paciarpiełaha.
Mužčyny, što pryjšli ŭ haražy, što mieściacca pa vulicy Turhienieva, pačuli kryki, jakija danosilisia z adnaho z začynienych haražnych boksaŭ.
Pakolki dźviery byli zapiortyja znutry, daviałosia vyklikać MNS.
Vyratavalniki, što prybyli na miesca zdareńnia, adkryli dźviery haraža i ŭbačyli, što ŭ jamie, uniz hałavoj visić mužčyna siarednich hadoŭ.
Akazałasia, što mužčyna pryjšoŭ u haraž, chacieŭ spuścicca ŭ jamu pa zakatki, ale astupiŭsia na leśvicy. Naha zachrasła, mužčyna ŭpaŭ uniz hałavoj.
Susiedzi pa haražy dakładna nie mahli skazać, kolki času mužčyna pravioŭ u takim stanoviščy: adnyja kazali, što sutki, druhija — što dva dni.
Pa kamientar my źviarnulisia da Maładziečanskaha adździeła MNS.
Tam raspaviali, što taki vypadak nasamreč byŭ. Dapamoha rabotnikaŭ MNS spatrebiłasia, kab adkryć dźviery i pryvieści mužčynu ŭ «viertykalnaje» stanovišča. Jon špitalizavany.