Uvajšoŭ u zakonnuju siłu prysud u dačynieńni da 47-hadovaha žychara Rečyckaha rajona, jaki zabiŭ kačarhoj pažyłuju maci.
Za naniasieńnie ciažkich cialesnych paškodžańniaŭ, jakija paciahnuli pa nieaściarožnaści śmierć, sud Rečyckaha rajona pryhavaryŭ mužčynu da vaśmi hadoŭ pazbaŭleńnia voli ŭ kałonii ŭzmocnienaha režymu. Padčas adbyćcia pakarańnia źniavoleny projdzie prymusovaje lačeńnie ad ałkahalizmu.
Abvinavačany abskardziŭ prysud u abłasnym sudzie, ale kalehija pa kryminalnych spravach pakinuła pakarańnie bieź źmieny, paviedamiła pres-sakratar Homielskaha abłasnoha suda Volha Barsukova.
1 lutaha mužčyna pryjšoŭ u baćkoŭski dom u vioscy Karavacičy ź plaškaj vina i vypiŭ jaje razam z bratam. Zatym staŭ patrabavać hrošaj u 72-hadovaj maci. Kali pačuŭ admovu, schapiŭ kačarhu i pačaŭ źbivać piensijanierku, nanosiačy joj ŭdary pa hałavie i pa ŭsim ciele. Ad udaraŭ kačarha złamałasia. Paciarpiełaja viaskoŭka, bajučysia za los syna, nie stała źviartacca pa mieddapamohu. Źbitaja žančyna praviała dva dni doma, pakul syn nie paklikaŭ na dapamohu susiedku. Taja, ubačyŭšy, u jakim stanie znachodzicca žančyna, vyklikała chutkuju dapamohu. Pakalečanuju žančynu zabrali ŭ balnicu, dzie jana pamierła. Zhodna z zaklučeńniem sudmiedekśpierta, u piensijanierki byli množnyja paboi, čerapna-mazhavaja traŭma, jana straciła šmat kryvi.
