U Minsku naličvajecca amal 6 tysiač kvater, jakija nie asnaščanyja indyvidualnymi pryborami ŭliku (IPU) vady i ŭ jakich adsutničajuć zarehistravanyja hramadzianie. Na siońniašni dzień płata za vadu ŭ takich «pustych» kvaterach nie biarecca, paviedamili va UP «Minskvodakanał».
Na pradpryjemstvie nahadali, što z 1 kastryčnika biahučaha hoda ŭstupajuć u siłu źmianieńni ŭ Pałažeńnie ab paradku raźlikaŭ i ŭniasieńnia płaty za žyllova-kamunalnyja pasłuhi i płaty za karystańnie žyłymi pamiaškańniami dziaržaŭnaha žyllovaha fondu, zaćvierdžanaje pastanovaj Savieta Ministraŭ numar 571 u 2014 hodzie. Praduhledžvajecca prymianieńnie nastupnaha raźliku: kolkaść zraschodavanaj vady budzie vyznačacca zychodziačy z norm spažyvańnia, ustanoŭlenych miascovymi vykanaŭčymi i rasparadčymi orhanami, i ŭmoŭnaj kolkaści hramadzian (ahulnaja płošča žyłoha pamiaškańnia dzielicca na 20 kv.m z ulikam akruhleńnia ŭ mienšy bok da cełaha čysła). Takim čynam, dla kvatery płoščaj 72 kv.m bieź ličylnikaŭ i biez zarehistravanych u joj žylcoŭ płata za vadu budzie bracca pa taryfach, jakija zabiaśpiečvajuć poŭnaje pakryćcio ekanamična abhruntavanych zatrat (Br1,1405 za kub.m), što składzie Br26,69 u miesiac.
Vyklučeńnie składajuć žyłyja pamiaškańni, što pradastaŭlajucca kiraŭnikam i supracoŭnikam pradstaŭnictvaŭ i orhanaŭ mižnarodnych arhanizacyj, miždziaržaŭnych utvareńniaŭ, žyłyja pamiaškańni, pryniatyja ŭ składzie spadčyny, ale nie bolš jak siem miesiacaŭ z dnia adkryćcia spadčyny, žyłyja pamiaškańni, jakija vykarystoŭvajucca dla ažyćciaŭleńnia pradprymalnickaj dziejnaści, źviazanaj z pradastaŭleńniem miesc dla karotkaterminovaha pražyvańnia.
Kab paźbiehnuć płaty vialikich sum za pasłuhi vodazabieśpiačeńnia i vodaadviadzieńnia, isnujuć try varyjanty. Pieršy: u žyłym pamiaškańni ŭstanaŭlivajecca IPU, rehistracyja hramadzian nie pravodzicca (naličeńnie ažyćciaŭlajecca na asnovie pakazańniaŭ ličylnikaŭ i pa taryfach, što zabiaśpiečvajuć poŭnaje pakryćcio ekanamična abhruntavanych zatrat). Druhi: u žyłym pamiaškańni rehistrujecca hramadzianin, IPU nie ŭstanaŭlivajecca (kolkaść zraschodavanaj vady na kožnaha čałavieka budzie vyznačacca zychodziačy z norm spažyvańnia, ustanoŭlenych miascovymi vykanaŭčymi i rasparadčymi orhanami, naličeńnie pa taryfach, što zabiaśpiečvajuć poŭnaje pakryćcio ekanamična abhruntavanych zatrat). Treci: u žyłym pamiaškańni rehistrujecca hramadzianin i ŭstanaŭlivajecca IPU (naličeńnie ažyćciaŭlajecca pa dziejučych na hety momant praviłach).
Takim čynam, uličvajučy źmianieńni, što ŭstupajuć u siłu, dla apłaty tolki za faktyčna spažyty abjom vady ŭłaśnikam žyłych pamiaškańniaŭ rekamiendujecca ŭstanavić IPU i zaklučyć dahavor na vodazabieśpiačeńnie i vodaadviadzieńnie kvatery z UP «Minskvodakanał».
Va UP «Minskvodakanał» udakładnili, što pradpryjemstva nie pravodzić pieršasny mantaž IPU. Prybory ŭliku vady ŭstanaŭlivajuć centralizavana pry novym budaŭnictvie i kapitalnym ramoncie abo indyvidualna za ŭłasnyja srodki spažyŭcoŭ. Pasłuhi nasielnictvu pa ŭstanoŭcy ličylnikaŭ akazvajuć ŽESy horada, pryvatnyja arhanizacyi abo indyvidualnyja pradprymalniki, jakija vykonvajuć hety vid rabot. Paśla ŭstanoŭki ličylnikaŭ nieabchodna źviarnucca ŭ CRS «Vadazbyt» i ŭzhadnić čas prychodu kantralora dla apłamboŭki vadamiernaha vuzła i zaklučeńnia dahavora na akazańnie pasłuh vodazabieśpiačeńnia i vodaadviadzieńnia.
U Minsku naličvajecca kala 770 tys. žyłych pamiaškańniaŭ, ź ich u 6 tys. adsutničajuć pražyvajučyja (zarehistravanyja pa miescy žycharstva) hramadzianie i nie ŭstanoŭleny IPU. Pamiž žycharami horada i UP «Minskvodakanał» zaklučana amal 733 tys. dahavoraŭ. Ustanoŭlena bolš jak 1,6 młn ličylnikaŭ (u siarednim pa 2,25 ličylnika na kvateru, pakolki moža być jak pa niekalki ličylnikaŭ na kvateru (pry roznych stajakach u vańnie i na kuchni), tak i pa adnym ličylniku ŭ kvatery (kali ŭ domie ŭstanoŭlena hazavaja kałonka abo dom raźmieščany ŭ pryvatnym siektary).
