tass.ru
U Samarkandzie, na radzimie prezidenta Uźbiekistana Isłama Karymava, pačali rychtavacca da jaho pachavańnia. Ahienctva «Fierhana» apublikavała fatahrafii budaŭničych rabot, jakija viaducca ŭ ramkach padrychtoŭki da pachavańnia. «Radyjo Svaboda» paviedamlaje, što ŭ horadzie pracujuć tysiačy dvornikaŭ.
Pa źviestkach radyjostancyi, častka horada pierakrytaja. Akramia taho, u Samarkand prybyŭ premjer-ministr krainy Šaŭkat Mirzijajeŭ. Pa dadzienych ahienctva «Fierhana», Karymava pachavajuć na mohiłkach pobač z ansamblem maŭzalejaŭ Šachi Zinda.
«Fierhana» praciahvaje nastojvać na svajoj infarmacyi, zhodna ź jakoj Isłam Karymaŭ pamior jašče dniom 29 žniŭnia. Hetyja źviestki raniej abviarhali krynicy ŭ aparacie prezidenta Uźbiekistana.
Pa dadzienych «Fierhany», pra śmierć Karymava abvieściać 2 vieraśnia, a pachavańnie projdzie treciaha.
***
28 žniŭnia stała viadoma, što ŭ Isłama Karymava zdaryŭsia insult, i jon znachodzicca ŭ špitali. Užo paśla taho, jak Karymaŭ trapiŭ u balnicu, byŭ apublikavany jaho zvarot da žycharoŭ krainy da dnia niezaležnaści.
Isłam Karymaŭ niaźmienna kiravaŭ Uźbiekistanam z 1991 hoda.