 |
Zbornaja Niamieččyny pieramahła zbornuju Polščy - 2:0.
Cikava, što dva hały – na 20-j i 74-j chvilinie – na rachunku forvarda «Bavaryi» polskaha pachodžańnia Łukaša Padolskaha. Pryčym padčas pieršaha zabitaha miaču jamu asystavaŭ druhi polski niemiec – Mirasłaŭ Kłoze.
Chiba tolki pieramoha Roberta Kubicy na Hran-Pry Kanady (Formuła-1) krychu adcianiaje niehatyŭnyja emocyi hetaha dnia dla polskaha balelščyka.
Siońnia zbornaja Charvatyi vyjhrała ŭ kamandy-haspadyni – aŭstryjskaj zbornaj ź likam 1:0.
Adziny miač na 4-j chvilinie zabiŭ z penalci Łuka Modryč («Totenchem» Łondan).
Aŭstryjcy, jakich jašče pierad čempijanatam nazyvali harmatnym miasam, pakazali charaktar, i ŭ druhim tajmie mieli niekalki momantaŭ, kab zraŭniać lik.
Takim čynam zbornyja Niamieččyny i Charvatyi nabirajuć pa try bały, u palakaŭ i aŭstryjcaŭ – 0.
Druhi tur u hetaj hrupie budzie zhulany ŭ čaćvier, 12 červienia: Charvatyja – Niamieččyna (19:00). Polšča – Aŭstryja (21:45)
***
U subotu byli zhulanyja dva matčy ŭ hrupie «A».
U pajadynku, što adkryvaŭ čempijanat, čechi ŭ Bazeli pieramahli haspadaroŭ turniru zbornuju Švajcaryi – 1:0. Hoł na rachunku forvarda «Banika» Vacłava Śvierkaša.
U hetym matčy zdaryłasia j pieršaja trahiedyja. Pry kancy pieršaha tajmu atrymaŭ traŭmu kapitan švajcarcaŭ Alaksandar Fraj. Jon vybyŭ da kanca čempijanatu.
«Heta katastrofa», -- skazaŭ trenier zbornaj Kobi Kun, acharaktaryzavaŭšy stratu svajho charyzmatyčnaha lidera.
Partuhalija – Turcyja – 2:0 (Pepe, Mejrelješ). Heta, napeŭna, była samaja vidoviščnaja i cikavaja hulnia dvoch dzion.
Turnirnaje stanovišča: Partuhalija, Čechija – pa 3 punkty, Švajcaryja, Turcyja – pa 0.
Nastupny tur u hetaj hrupie projdzie ŭ sieradu, 11 červienia. Čechija – Partuhalija (19:00), Švajcaryja – Turcyja (21:45).
***
A ŭ paniadziełak, 9 červienia, raspačnucca hulni ŭ hrupie «S».
A 19-j hadzinie raspačniecca matč Rumynija – Francyja, a ŭ 21:45, vidać, hvozd pieršaha turu, supermatč Halandyja – Italija.
