Amierykanskaja delehacyja sama admoviłasia ad pradastaŭleńnia trapa dla samalota kiraŭnika krainy Baraka Abamy ŭ Kitai, kudy jon prybyŭ na samit G20. Pra heta haziecie South China Morning Post raspaviała krynica ŭ Ministerstvie zamiežnych spraŭ KNR.
Jana patłumačyła, što amierykanski bok skardziŭsia, što kiroŭca nie havoryć pa-anhlijsku i nie razumieje instrukcyi pa biaśpiecy ad ZŠA.
«Takim čynam, Kitaj prapanavaŭ dać pierakładčyka, jaki b dapamoh kiroŭcu, adnak ZŠA adkinuli hetuju prapanovu i skazali, što im nie patrebien trap», — skazaŭ surazmoŭca vydańnia.
Čynoŭnik, jaki ŭdzielničaje ŭ arhanizacyi dypłamatyčnych mierapryjemstvaŭ, padkreśliŭ, što heta nie było vypadkam akazańnia cisku Kitaja na Abamu. Krynica, jakaja admoviłasia nazvać svajo imia, bo jana nie maje prava kamunikavać z presaj, rastłumačyła, što «Kitaju nie abiacaje ničoha dobraha paśla hrubaha pryjomu Abamy».
Hazieta adznačaje, što, kali Abama jašče nie skarystaŭsia trapam z čyrvonaj dyvanovaj darožkaj, jana ŭžo była razhornuta pierad im, i jon pa joj prajšoŭ da svajho limuzina, jaki byŭ dastaŭleny ŭ Kitaj zahadzia.
Na dumku apytanaha hazietaj ekśpierta z dypłamatyčnym dośviedam, Kitaj nie mieŭ nijakich namieraŭ drenna stavicca da Abamy, bo staršynia KNR Si Czińpin pracuje nad palapšeńniem adnosin pamiž dźviuma krainami.
