Alaksandr Łukašenka na sustrečy z prezidentam Mižnarodnaj fiederacyi chakieja (IICHF) Rene Fazielem prakamientavaŭ vyniki vystupleńnia biełaruskich chakieistaŭ na alimpijskaj kvalifikacyi 2018..
Tut.by
U apošnim matčy kamanda Biełarusi sastupiła zbornaj Słavienii ŭ sieryi bulitaŭ i zhubiła šaniec prajści na Alimpijskija hulni, jakija projduć u 2018 hodzie ŭ Respublicy Kareja.
«Z majho punktu hledžańnia, tak i pavinna było zdarycca, bo my ž pamiatajem, jak kamanda hulała na apošnim čempijanacie śvietu ŭ mai hetaha hoda — adskočyli ŭ apošnim matčy. I zamiest taho kab usio leta zajmacca i rychtavacca da hetych Hulniaŭ, jany, mabyć, na poŭdni adpačyvali. Tamu tak i atrymałasia: chto chacieŭ vyjhrać i pajechać na Alimpijadu, toj vyjhraŭ», — adznačyŭ Alaksandr Łukašenka.
Kiraŭnik krainy pryznaŭsia, što rasstroiŭsia vynikam vystupu biełaruskaj kamandy, adnak nie nastolki, jak niekatorym zdajecca.
«Bo ja viedaŭ, što hetym moža ŭsio skončycca, — rastłumačyŭ jon. — Lepš, što ciapier jany prajhrali i nie jeduć na Alimpijadu, čym potym my budziem siadzieć la televizara i łamać ruki z takoj hulnioj, jak u ich siońnia. Ja nie dumaju, što za hod u ich niešta kardynalna źmianiłasia b».
