Hrupa palaŭničych znajšła na poŭdni Isłandyi mieč vikinhaŭ, vyrableny bolš za tysiaču hadoŭ tamu.
Fota: Arni Bjorn Valdimarsson
Kamanda ź piaci čałaviek adpraviłasia palavać na husiej. Palavańnie akazałasia niaŭdałym — jany nie padstrelili anivodnaj ptuški, zatoje znajšli staradaŭni mieč — mierkavana, jaho vymyła padčas niadaŭniaj pavodki.
Adzin z palaŭničych apublikavaŭ fatahrafiju miača na svajoj staroncy ŭ fejsbuku i nieŭzabavie atrymaŭ zvanok z Ahienctva pa kulturnaj spadčynie Isłandyi. U paniadziełak artefakt byŭ pieradadzieny śpiecyjalistam.
Dyrektar ahienctva Kryścin Sihurdardocir kaža, što da hetaha času ŭ Isłandyi byli znojdzienyja tolki 20 miačoŭ tysiačahadovaha ŭzrostu, što robić znachodku asabliva značnaj.
«Jon tam prosta lažaŭ na ziamli, va ŭsich na vačach, čakaŭ, kali jaho padbiaruć», — raspavioŭ adzin z palaŭničych.
Pavodle acenki śpiecyjalistaŭ, mieč datujecca najpaźniej X stahodździem. Imavierna, jon znachodziŭsia ŭ pahanskim pachavańni vikinhaŭ.
Dakładnaje miesca znachodki nie vydajecca — archieołahi źbirajucca arhanizavać tam raskopki.
