XXIII Minski mižnarodny kinafiestyval «Listapad» adbudziecca, pryčym projdzie na vysokim uzroŭni, zajaviła namieśnik premjer-ministra Natalla Kačanava 6 vieraśnia ŭ Minsku na pasiadžeńni pastajanna dziejnaha arhkamiteta fiestyvalu, paviedamili ŭ pres-słužbie Savieta ministraŭ.
Akramia vice-premjera na pasiedžańni prysutničali ministr kultury Barys Śviatłoŭ i jaho namieśnik Iryna Dryha, ministr infarmacyi Lilija Ananič, staršynia Biełteleradyjokampanii Hienadź Davydźka, kiraŭnik Nacyjanalnaj kinastudyi «Biełaruśfilm» Ihar Poršnieŭ, kiraŭnik Centra vizualnych i vykanalnickich mastactvaŭ «ART Karparejšn» i dyrektar «Listapada» Anžalika Krašeŭskaja i inšyja.
Udzielniki sustrečy abmierkavali ŭ tym liku kancepcyju fiestyvalu, jaho infarmacyjnaje zabieśpiačeńnie, udzieł zamiežnych haściej, padrychtoŭku abjektaŭ i vonkavaje afarmleńnie horada, a taksama finansavyja pytańni. Kačanava adznačyła, što «ŭsio realizujecca ŭ adpaviednaści z pastaŭlenymi zadačami».
U svaju čarhu Barys Śviatłoŭ paviedamiŭ, što na fest užo padadziena 594 zajaŭki na hulniavyja, dakumientalnyja i dziciačyja filmy, a taksama 84 zajaŭki na ŭdzieł u Nacyjanalnym konkursie.
XXIII Minski mižnarodny kinafiestyval «Listapad» płanujecca pravieści z 4 pa 11 listapada. Sioleta deviz kinaforumu — «Nasustrač natchnieńniu».
U hetym hodzie finansavaja situacyja ŭ krainie prymusiła raniejšych sponsaraŭ pierahledzieć pytańnie ab dapamozie kinafiestyvalu. Da taho momantu dyrekcyi «Listapada» admovili 65 biełaruskich kampanij i arhanizacyj.
