DAI stalicy vyśviatlaje abstaviny darožnaha zdareńnia, u jakim matacyklist nie spraviŭsia z kiravańniem i ledź nie raźbiŭsia, paviedamiła staršy inśpiektar pa ahitacyi i prapahandzie adździeła DAI Centralnaha RUUS Anastasija Radźko.
DTZ adbyłosia nasuprać d.58/1 pa vuł. Arłoŭskaj. Mužčyna, kirujučy matacykłam «Minsk», ruchaŭsia pa Staravilenskim trakcie z boku vuł. Ščadryna ŭ kirunku vuł. Arłoŭskaj, nie spraviŭsia z kiravańniem i ŭpaŭ.
«Pobač ź miescam padzieńnia znachodziŭsia supracoŭnik DAI Centralnaha rajona, jaki jak raz zastupaŭ na źmienu. Padyšoŭšy da matacyklista, kab akazać dapamohu, jon adčuŭ pach ałkaholu. Miedahlad pakazaŭ u kryvi matacyklista 0,9 pramile. Akramia taho, u jaho nikoli nie było paśviedčańnia kiroŭcy, a rehistracyjny znak naležyć inšamu matacykłu», — udakładnili ŭ DAI.