Architektarka Alaksandra Bajaryna źviarnuła ŭvahu na toje, što ŭ prodažy źjaviŭsia «niejmavierny šykoŭny» dom u anhlijskim styli.
Dom, koštam 2,43 młn rub. ($1,25 młn), raźmieščany ŭ malaŭničym cichim miescy, u lasnoj zonie, ale razam z tym — blizka da horada, pa adrasie: Minski rajon, a/h Ždanovičy, vuł. 1-ja Dačnaja, 8.
Dom vykanany ŭ anhlijskim styli. Anhlijski styl — spałučeńnie arystakratyzmu i strymanaści.
Ahulnaja płošča doma — 502 kv.m., ziamielny ŭčastak — 11 sotak.
Vyšynia stoli składaje 4—6! mietraŭ.
Fasad doma maje svaje asablivaści: kładka klinkiernaj cehły ručnoj farmoŭki, a taksama śpiecyjalnaha archikamniu.
Piaredniaja častka doma vyhladaje vielmi akuratnaj i pryhožaj dziakujučy nizkamu manalitnamu padmurku (2,8 m), ablicavanamu ispanskaj plitkaj strohich adcieńniaŭ. Kamiennaja truba komina charakternaja i źjaŭlajecca adnoj ź cikavostak doma.
Draŭlanyja škłopakiety z chvoi, padobnyja na akonnyja prajomy zamkaŭ minułych stahodździaŭ, nadajuć eksterjeru vytančanaść.
Dach doma vysoki i vostry, šmatskatny z frantami, pakryty kieramičnaj čarapicaj francuzskaj vytvorčaści.
Usie kamunikacyi, jakija znachodziacca ŭ domie, centralnyja, ustalavany hazavy kacioł (DeDietrich), dom abstalavany sihnalizacyjaj.
Uvachodnaja dźviery viaduć u haścioŭniu (67 kv.m.). Na pieršym paviersie jość miesca pad ŭstanoŭku džakuzi i saŭny, z pakojem adpačynku i svaimi vannym i tualetnym pakojami (90 kv.m.).
Taksama na pieršym paviersie jość žyły pakoj (19 kv.m.), vialiki choł (23 kv.m.), kuchnia (20 kv.m.), pralnia, sanvuzły i inšyja funkcyjanalnyja pamiaškańni.
U haścinaj padrychtavana miesca dla kamina, jaki źjaŭlajecca hałoŭnym elemientam anhielskaha stylu.
Na druhim paviersie raźmiaščajucca try spalnyja pakoi (68 kv.m. + 27 kv.m. + 26 kv.m.) sa svaimi sanvuzłami, taksama jość harderobny pakoj.
Klučavyja momanty dvaravoj prastory doma — heta najaŭnaść niekalkich ŭvachodnych hrup u dom, dźviery jakich vyrableny pa indyvidualnym prajekcie (štučnaje sastarvańnie). Vonkavaje aśviatleńnie vykanana ŭ kłasičnym styli (śviacilni Roger Praider). Terytoryja vakoł doma pakryta hazonnaj travoj, roŭna padstryžanymi kustami i vykładzienaja brukam. La ŭvachodu ŭ dom — abstalavanaja barbiekiu zona, pobač ź jakoj udała moža raźmiaścicca altanka dla adpačynku siamji i haściej haspadaroŭ. Navies dla aŭtamabila i aharodža dadzienaj terytoryi manalitnyja, abkładzienyja klinkiernaj cehłaj i azdoblenyja naturalnym drevam. Varoty i bramka — heta ručnaja koŭka, u bramcy jość videadamafon.
Biezumoŭna, anhlijski styl — heta kłasika. Niahledziačy na ŭsiu strohaść i kansiervatyŭnaść, anhlijskaja styl spraviadliva ličycca ŭzoram elehantnaści, vytančanaści i biezdakornaha hustu.