Vyniki parlemienckich vybaraŭ pryznavać niemahčyma, bo jany adbyvalisia nieprazrysta i niedemakratyčna. Pra heta padčas pres-kanfierencyi ŭ Minsku zajaviŭ pradstaŭnik kampanii «Prava vybaru» Dzianis Sadoŭski.
Pa jaho słovach demakratyčnych aktyvistaŭ u składzie vybarčych kamisij faktyčna nie było. Taksama fiksavaŭsia cisk na niekatorych siabraŭ inicyjatyŭnych hrupaŭ, jakija pravodzili zbor podpisaŭ i ahitacyju. Z boku dziaržavy prysutničała cenzura padčas ahitacyjnaj kampanii, padčas vystupaŭ na telebačańni i ŭ dziaržaŭnych drukavanych ŚMI. Praŭładnyja kandydaty karystalisia bolšymi mahčymaściami, u tym liku i administracyjnym resursam.
Padčas daterminovaha hałasavańnia najbolšaj prablemaj źjaŭlałasia falsifikacyja jaŭki, zanižeńnie śpisavaj kolkaści vybarcaŭ na ŭčastku, śćviardžajuć naziralniki. U paraŭnańni ź pieršym dniom daterminovaha hałasavańnia, śpisavaja kolkaść vybarščykaŭ štučna źmianšałasia na 40-45% u dzień vybaraŭ (kab pavialičyć jaŭku). Taksama nazyvajecca «prymus da daterminovaha hałasavańnia». Novaj admietnaściu hetych vybaraŭ byli «karusieli». Jany vykarystoŭvalisia, jak padčas daterminovaha hałasavańnia, tak i padčas vybaraŭ, kažuć pradstaŭniki «Prava vybaru».
Pa słovach Sadoŭskaha, padčas najvažniejšaha etapa — padlika hałasoŭ, nie byli vykarystanyja navat instrukcyi Centrvybarkamu. Naziralniki nie bačyli, jak adbyvaŭsia padlik. I takoha padliku hałasoŭ, padčas jakoha b naziralniki bačyli «ptušačku» ŭ kožnym biuleteni i ŭ jaki stos jon kładziecca, na absalutnaj bolšaści ŭčastkaŭ Biełarusi nie było.
«53 naziralniki kampanii «Prava vybaru» byli vydalenyja za ŭvieś čas daterminovaha hałasavańnia i ŭ asnoŭny dzień vybaraŭ. Što źjaŭlajecca rekordam dla kampanii «Prava vybaru». U 2015 hodzie padčas prezidenckich vybaraŭ vydalili 36 naziralnikaŭ. Heta rabiłasia dla taho, kab nichto nie pieraškadžaŭ falsifikavać jaŭku i vyniki», — havoryć Dzianis Sadoŭski.
Kampanija «Prava vybaru» padała 225 skarhaŭ padčas daterminovaha hałasavańnia. A ahułam, za ŭvieś čas nazirańnia za parłamienckimi vybarami — 768 skarhaŭ.
