Mitrapalit Sankt-Pieciarburhski i Ładažski Varsanofij pamaliŭsia ab paśpiachovym zaviaršeńni budaŭnictva stadyjona «Zienit-Arena» pa zaprašeńni uładaŭ Pieciarburha, paviedamili ŭ rehijanalnaj jeparchii.
«Mitrapalit Varsanofij ździejśniŭ malebien ab paśpiachovym zakančeńni budaŭnictva stadyjona na Krastoŭskim vostravie Pieciarburha. Padčas nabaženstva byŭ aśviečany abraz dziaržaŭnaj Božaj maci, jakaja ŭ dalejšym budzie zachoŭvacca ŭ adnym sa słužbovych pamiaškańniaŭ stadyjona», — cytuje Interfaks paviedamleńnie pres-słužby.
Jak paviedamlajuć miascovyja ŚMI sa spasyłkaj na vidavočcaŭ, na nabaženstvie prysutničali 20 śviataroŭ i niekalki dziasiatkaŭ ich pamočnikaŭ, a taksama vice-hubiernatar Pieciarburha Ihar Ałbin, śpikier zakanadaŭčaha schodu Viačasłaŭ Makaraŭ i kala 50 rabočych.
Vydańnie «Fontanka» paviedamiła, što mitrapalit aśviaciŭ stadyjon, adnak u pres-słužbie jeparchii abvierhli hetuju infarmacyju i padkreślili, što stadyjon nie moža być aśviečany, bo jašče nie dabudavany.
Stadyjon «Krastoŭski» ci «Zienit-Arena» budujuć da čempijanatu śvietu 2018 hoda. Pry hetym jon pavinien taksama pryniać niekalki matčaŭ čempijanatu Jeŭropy, jaki ŭ 2020 hodzie ŭpieršyniu budzie pravodzicca pa ŭsim kantyniencie, a nie ŭ niejkaj kankretnaj krainie. Prajekt stadyjona trojčy karektavaŭsia, a jaho košt vyras ź pieršapačatkovych 6,7 młrd rasijskich rubloŭ da 43,8 młrd rubloŭ.
