Bolš za tydzień Pinsk budaražać čutki pra zabojstva maci novanarodžanaha dziciaci. Pa viersii pinčukoŭ, šmatdzietnaja siamja pražyvała ŭ adnym z rajonaŭ novabudoŭlaŭ horada. Žančyna ŭ čarhovy raz zaciažaryła, čaho nielha było schavać. Susiedzi zaŭvažyli paślarodavy stan maci, ale dzicia tak i nie ŭbačyli i zabili tryvohu.
Jak paviedamlaje «Miedyja-Paleśsie», z pačatku źjaŭleńnia hetych čutak aficyjnyja asoby admaŭlalisia davać kamientary. 12 vieraśnia načalnik Pinskaha mižrajonnaha adździeła Śledčaha kamiteta Dźmitryj Lira patłumačyŭ situacyju:
— U dadzieny momant u vytvorčaści našaha adździeła jość materyjał i pravodzicca pravierka pa fakcie vyjaŭleńnia trupa novanarodžanaha dziciaci. Pryznačany šerah ekśpiertyz, u tym liku sudova-miedycynskija. Vyjaŭlena žančyna, jakaja naradziła hetaje dzicia. Heta maładaja šmatdzietnaja pinčanka, u jaje jość muž. Cieła dziciaci było zakapana na terytoryi adnoj ź viosak Pinskaha rajona. Našymi supracoŭnikami vyvučanyja ŭsie abstaviny hetaha zdareńnia. Dalejšyja vysnovy buduć zaležać ad vynikaŭ ekśpiertyz. Śledstvam razhladajucca roznyja viersii: ad kryminalnaha abortu, zabojstva novanarodžanaha da samaadvolnych rodaŭ i ŭnutryčeraŭnaj śmierci (dalej ludzi mahli spałochacca čahości i pasprabavali schavać naradžeńnie dziciaci).
