Ministr zamiežnych spraŭ Vienhryi Pieter Sijarta nazvaŭ kiraŭnika MZS Luksiemburha Žana Asielborna niesurjoznym palitykam u adkaz na zakliki vyklučyć Vienhryju ź Jeŭrasajuza.
«Žan Asielborn vykazaŭ vielmi surjoznuju abrazu ŭ adras Vienhryi i vienhierskich hramadzian. Mnie zdajecca, što jaho vielmi zasmučaje ciapierašniaja situacyja ŭ Jeŭropie i vielmi zasmučaje toj fakt, što jon sam daŭno vyklučyŭ siabie ź liku tych palitykaŭ, jakich možna ŭsprymać surjozna», — zajaviŭ Sijarta.
Člen vienhierskaha parłamienta ad kirujučaj partyi «Fides» Hieorhij Šopflin zajaviŭ, što ličyć vykazvańni Asielborna «niedarečnym papulizmam».
«Prapanova vyklučyć Vienhryju ź Jeŭrapiejskaha sajuza prosta hłupstva, i Asielborn pavinien heta viedać. Jon užo daŭno pracuje kiraŭnikom MZS i tamu pavinien być znajomy z praviłami Jeŭrasajuza», — skazaŭ Šopflin.
Raniej u aŭtorak kiraŭnik MZS Luksiemburha zaklikaŭ vyklučyć Vienhryju ź Jeŭrasajuza, abvinavaciŭšy Budapiešt u «masavych parušeńniach» fundamientalnych kaštoŭnaściaŭ ES.
