Sietka kram modnaha abutku i aksiesuaraŭ Axis u chutkim časie sydzie ŭ historyju. Apošniaja krama sietki ŭ stalicy raspradaje reštki i, miarkujučy pa ŭsim, rychtujecca da zakryćcia.
«Ułaśnik pryniaŭ rašeńnie začynić kramy», - skazała pradaviec adnaho z «Aksisaŭ».
Sietka była zasnavana ŭ 2005 hodzie pradprymalnikam Siarhiejem Kulhavym. Kramy Axis byli raźmieščany ŭ Minsku, abłasnych centrach Biełarusi i Babrujsku. Na kaniec leta 2012 hoda naličvałasia 12 handlovych abjektaŭ adnajmiennaj handlovaj marki.
«Bolš handlovaja marka Axis nie robicca. Napeŭna, kali pradadzim reštki, tady taksama začynim», — skazali ŭ apošniaj kramie «Aksis» u Minsku.
Abutak Axis pastaŭlaŭsia z Partuhalii, Indyi i Kitaja. Kramy pazicyjanavałasia jak siehmient medium high (siaredni plus).
«Kulhavy staŭ začyniać «aksisy» jašče ŭ 2015 hodzie. Spažyviecki popyt upaŭ. Siońnia bolš zapatrabavany tańniejšy abutak», — kaža krynica, znajomaja ź situacyjaj.
Siarhieju Kulhavamu naležyć jašče adna bujnaja sietka kram «Miehatop». Tam pradajecca abutak bolš masavaha siehmienta. U 23 bujnych haradach Biełarusi pracujuć 46 firmiennych mahazinaŭ i piać dyskont-centraŭ, havorycca na sajcie kampanii.
Ci źjaviacca na miescy «Aksisaŭ» «Miehatopy»? «U nas takoj infarmacyi niama. U kramach, jakija zakrylisia, — nie źjavilisia», — skazali ŭ apošniaj kramie «Aksis».
