25 vieraśnia na staličnym «Traktary» «Krumkačy» praviaduć «samuju važnuju hulniu ŭ siezonie».
Zhodna ź siužetam videaroliku, da traktarysta ŭ sakołcy «Dynama» padychodzić futbalist «Krumkačoŭ» Maksim Talejka. «Dy nie zavodzicca!» —- skardzicca kiroŭca traktara na prablemy z technikaj.
Ich vyrašaje hulec Maksim Talejka. Paśla čaho ŭ videaroliku prapanujecca razam «zavieści «Traktar».
U niadaŭnim intervju vydańniu by.tribuna.com kiraŭnik «Krumkačoŭ» Dzianis Šunto nazvaŭ hulniu z «Dynama» samaj važnaj u siezonie. Sprava ŭ tym, što apošnim časam kłub pieražyvaje kryzis, jak u płanie vynikaŭ, tak u płanie cikaŭnaści hledačoŭ. Dzianis Šunto spadziajecca, što matč z dynamaŭcami dapamoža viarnuć kuraž, hledačoŭ i miedyja na matčy «Krumkačoŭ». Jakija, darečy, dva miesiacy nie viedajuć pieramoh.
Minskaje «Dynama» pad kiraŭnictvam Siarhieja Baroŭskaha taksama doŭhi čas nie mahło pieramahčy, ale ŭrešcie pačało nabirać punkty. Paśla vychadu na volu ŭładalnika kłubu Juryja Čyža dynamaŭcy dva razy pieramahali: «Hranit» u čempijanacie, i «Haradzieju» u Kubku Biełarusi.
