Biełaruskamoŭny brend «Cudoŭnaja cukiernia» atrymaŭ srebra na mižnarodnym konkursie Pentawards.
pentawards.org
Pentawards — prestyžny mižnarodny konkurs, pryśviečany dyzajnu ŭpakoŭki. Sioleta ŭ červieni «Cudoŭnaja cukiernia» była naminavanaja ŭ katehoryi Food - Pastry, biscuits, ice-cream, desserts, honey, sugar (Ježa - Kandytarskija vyraby, piečyva, maroziva, desierty, miod, cukar).
Vyniki Pentawards-2016 byli abvieščanyja 23 vieraśnia ŭ Šanchai. «Cudoŭnaja cukiernia» u svajoj katehoryi atrymała hanarovaje druhoje miesca.
«Cudoŭnaja cukiernia» — pieršy brend ź Biełarusi, jaki ŭvajšoŭ u lik pieramožcaŭ Pentawards z realnaj upakoŭkaj, a nie z kanceptam. Bolš za toje, upieršyniu za dziesiacihadovuju historyju konkursu ŭznaharodu atrymaŭ biełaruskamoŭny brend.
Handlovuju marku «Cudoŭnaja cukiernia» raspracavała studyja Fabula Branding dla Skidzielskaha cukrovaha kambinata.
