Hetaja rekłama kampanii Protein World vyklikała sotni skarhaŭ i stała adnoj z pryčyn zabarony. Fota RA
Z 1 lipienia ŭ łondanskim transparcie zabaranili rekłamu z vyjavaj čałaviečaha cieła, jakaja patencyjna moža nanieści spažyŭcu škodu.
Novy mer brytanskaj stalicy Sadzik Chan vykanaŭ pieradvybarčaje abiacańnie skončyć z rekłamaj, jakaja prapahanduje niezdarovyja i nierealistyčnyja čakańni taho, jak pavinna vyhladać idealnaja postać.
Ci budzie hetaja miera, jakaja vyklikała nieadnaznačnuju reakcyju hramadstva, pracavać?
Nijakich vam bolš napaŭaholenych strojnych madelaŭ, nijakich muskulistych asiłkaŭ, jakija demanstrujuć pres «kubikami».
Zabarona na «bodzišejminh» (bodyshaming) u rekłamie — naviazvańnie nierealistyčnych stereatypaŭ pra čałaviečaje cieła — ustupiŭ u siłu ŭ Łondanie 1 lipienia. «Niezdarovyja malunki» pa rasparadžeńni niadaŭna abranaha mera Sadzika Chana buduć vydaleny z hramadskaha transpartu.
Taki typ malunkaŭ — adzin z favarytaŭ rekłamnaj industryi — «moža vyklikać kompleks niepaŭnavartaści adnosna svajho cieła, asabliva ŭ maładych ludziej», zajaviŭ Chan.
«Jak baćka dźviuch dačok-padletkaŭ ja vielmi zaniepakojeny hetym vidam rekłamy, jaki prynižaje ludziej, asabliva žančyn, prymušajučy ich saromiecca svajho cieła. Pryjšoŭ čas skončyć z hetym», — dadaŭ jon.
«Nikomu ŭ hramadskim transparcie nie pavinny naviazvacca stereatypy, zasnavanyja na nierealistyčnych čakańniach ad čałaviečaha cieła. Ja chaču pasłać vyrazny sihnał rekłamnaj industryi», — Sadzik Chan, mer Łondana
Rašučyja miery suprać rekłamnaha «bodzišejminha» pajšli za skandałam vakoł postera, raźmieščanaha ŭ łondanskim mietro ŭ minułym hodzie vytvorcam srodkaŭ dla pachudańnia.
Kampanija suprać rekłamnaha postera spravakavała źjaŭleńnie chiešteha #everybodyisready («usie hatovyja») i akcyi niezadavolenych dziaŭčat.
Mnohija byli aburanyja — u brytanski Kamitet rekłamnych standartaŭ było nakiravana bolš za 400 skarhaŭ, u jakich poster nazyvajecca «abraźlivym» i «biezadkaznym». Pietycyja, jakaja zaklikaje źniać rekłamu, nabrała bolš za 71 tysiaču podpisaŭ za niekalki dzion.
«Protein World naŭprost źviartajecca da kankretnych ludziej, prymušajučy ich adčuvać siabie fizična niepaŭnavartasnymi… Ja b chacieła spytać u čałavieka, jaki ŭchvaliŭ hetuju rekłamu: a što ž heta takoje «hatovaje da plažu cieła? A niehatovaje — heta jakoje?» — napisała na sajcie pa raźmiaščeńni pietycyj Change.org inicyjatar zvarotu Šarłota Berynh.
Rehulatar rekłamnaha rynku pastanaviŭ, što malunak naŭrad ci moža nanieści vialikaj kolkaści ludziej surjoznuju abrazu. Pa ironii hetaja kampanija pryviała da rezkaha pavieličeńnia prodažaŭ tavaraŭ Protein World.
«Heta nie fieminizm, heta ekstremizm», — napisali pradstaŭniki kampanii ŭ «Tvitary».
I ŭ toj ža čas skandał, vyklikany hetaj rekłamaj, padšturchnuŭ mera Chana da pryniaćcia zabarony mienš čym praz dva miesiacy paśla ŭstupleńnia ŭ pasadu.
Ekanamičny efiekt moža być surjoznym: uličvajučy 1,34 młrd pajezdak, jakija ździajśniajucca ŭ mietro štohod, i jašče 2,4 młrd — na aŭtobusach, abjom rekłamnaha rynku ŭ łondanskim hramadskim transparcie ličycca adnym z najbujniejšych u śviecie.
Pa dadzienych meryi, kožny hod na placoŭkach hramadskaha transpartu raźmiaščajecca kala 12000 rekłamnych malunkaŭ — ad posteraŭ u vahonach da biłbordaŭ na ŭvieś aŭtobus. U nastupnyja vosiem z pałovaj hadoŭ hety biznes, jak čakajecca, pryniasie bolš za 1,5 młrd funtaŭ dachodu (amal 2 młrd dalaraŭ).
Hetyja hrošy inviestujucca ŭ infrastrukturu transpartnaj sietki, tak što stvareńnie kamisii, jakaja budzie zajmacca vyjaŭleńniem patencyjna škodnaj rekłamy i kazać «nie» brendam i karparacyjam, jakija prapanujuć sotni tysiač funtaŭ, — razhladajecca jak davoli śmieły krok.
Łondan — pieršaja suśvietnaja stalica, jakaja ŭvodzić paŭsiudnuju zabaronu, choć i nie pieršy horad: padobnyja miery byli pratestavanyja ŭ Tronchiejmie, trecim pa pamierach horadzie ŭ Narviehii. U brazilskim San-Paŭłu vonkavaj rekłamy naohuł niama — u adpaviednaści z zakonam ab čystym horadzie 2006 hoda.
Adnak kolkaść rekłamnych płakataŭ, jakija sustrakajucca na šlachu siaredniaha łondanca kožny dzień, — nievierahodna bolšaja, čym u Tronchiejmie. I malunki, jakija mohuć mieć patencyjna niehatyŭny efiekt, nakiravany na značna bolšuju kolkaść ludziej, śćviardžajuć prychilniki zabarony.
Hetaja rekłama Gucci była zabaronienaja, tamu što, na dumku brytanskaha rehulatara rekłamnaha rynku, prapahanduje niezdarovy ład zanadta chudoj madellu
Šmatlikija daśledavańni pakazali, što malunki chudoha cieła — u asnoŭnym žanočaha — na idealizavanych zdymkach mohuć mieć značnaje ŭździejańnie na samaacenku čałavieka, a taksama pryvodzić da parušeńnia charčovych pavodzinaŭ i cialesnaj dysmorfii — psichičnaha razładu, pry jakim čałaviek praźmierna zasiarodžany na asablivaściach svajho cieła.
U śfiery achovy zdaroŭja uviedzienaja Sadzikam Chanam zabarona była sustrety čakana stanoŭča.
Siła rekłamy
Daśledavańnie, praviedzienaje ŭ ZŠA siarod tych vučanic małodšaj škoły, chto čytaje časopisy, vyjaviła, što:
69% usich dziaŭčynak kažuć, što rekłamnyja roliki i vyjavy ŭpłyvajuć na ich ujaŭleńnie ab idealnaj pastavie.
47% usich dziaŭčynak kažuć, što z-za rekłamy jany chočuć schudnieć.
Krynica: Marcin, Dž. B., časopis Nutrition Today, vypusk 45, 2010.
Adnak zabarona ździviła niekatorych hramadzian, jakija abvinavacili Chana ŭ zališnim kantroli.
«Ja fieministka i vystupaju za pazityŭnaje adlustravańnie čałaviečaha cieła, adnak padobny reaktyŭny fieminizm mianie zusim nie pryvablivaje», — piša na markietynhavym sajcie Campaign kansultant pa dyzajnie brendaŭ Džardžyna Deni.
«Čamu zaniatki sportam dla taho, kab dobra vyhladać, pavinny być haniebnymi? Ja całkam ščyra pryznaju, što moj hałoŭny matyŭ ciahnucca ŭ spartzału paśla doŭhaha dnia — heta hanarystaść. Ja chaču dobra vyhladać. Čamu mnie kažuć, što ja pavinna saromiecca hetaha, što heta supiarečyć fieminizmu?» — adznačaje jana.
Zabaronu krytykujuć nie tolki ŭ samoj rekłamnaj industryi, ale i ŭ ŚMI i inšych hramadskich śfierach. Praciŭniki ličać, što padobnaja palityka zajšła zanadta daloka i piarečyć svabodzie samavyjaŭleńnia.
