Biełaruś viartaje korpus reaktara paśla niaštatnaj situacyi ŭ adpaviednaści z damoŭlenaściami z Rasijaj, paviedamiŭ žurnalistam hienieralny dyrektar HP «Biełaruskaja AES» Michaił Filimonaŭ na palach 60-j siesii Hienieralnaj kanfierencyi MAHATE ŭ Vienie.
«Korpus — heta adna z adzinak abstalavańnia, vielmi chutka takija pytańni nie vyrašajucca, treba ŭličvać pracu čyhunki i inšyja pytańni. Usio idzie pa tych damoŭlenaściach, jakija ŭ nas jość z Rasijaj. Rasijski bok zabiare korpus reaktara, heta adnaznačna, takoje rašeńnie pryniata, a dalej idzie praces jaho realizacyi», — rastłumačyŭ Michaił Filimonaŭ.
Hiendyrektar akcentavaŭ uvahu, što budaŭnictva stancyi ciapier viadziecca ŭ štatnym režymie, idzie mantaž abstalavańnia. «Značnaja častka abstalavańnia ŭžo pastupiła na placoŭku ŭ Astraŭcy i znachodzicca na stadyi mantažu, naprykład, užo viadziecca mantaž turbin», — paviedamiŭ Michaił Filimonaŭ. U pracesie vyrabu jašče prykładna 40% abstalavańnia.
