Reforma dziaržaŭnaha aparatu pačałasia ŭ Biełarusi jašče ŭ 2013 hodzie. Mierkavałasia, što kolkaść dziaržaŭnych rabotnikaŭ skarocicca na 25% (pryčym da 1 studzienia 2014 hoda), adnak hetaha, vidavočna, nie było zroblena.
Statystyčnyja zborniki «Praca i zaniataść» z padrabiaznymi ličbami kolkaści słužboŭcaŭ publikujucca kožnyja dva hady. Niadaŭna źjavilisia śviežyja ličby, za lipień 2015 hoda.
Pavodle dadzienych Biełstata, pa stanie na 1 lipienia 2015 hoda ŭ Biełarusi naličvałasia 48 463 dziaržaŭnych słužačych. U paraŭnańni ź minułym padlikami ich kolkaść ahułam źmienšyłasia na 863 rabotniki. Byŭ skaročany tolki kožny 60-y čynoŭnik!
Što da asobnych rehijonaŭ, dyk u Hrodzienščynie skaracili… usiaho 10 čałaviek.
Kolkaść dziaržaŭnych słužačych
listapad 2009 — kala 56 740
listapad 2011 — 56 232 (-0,9% u paraŭnańni z papiarednim pieryjadam)
listapad 2013 — 49 326 (-12,3%)
lipień 2015 — 48 463 (-1,8%)
Kolkaść rabotnikaŭ dziaržaŭnych orhanaŭ i arhanizacyj
listapad 2009 — kala 71 250
listapad 2011 — 70 612 (-0,9% u paraŭnańni z papiarednim pieryjadam)
listapad 2013 — 68 807 (-2,6%)
lipień 2015 — 63 708 (-7,4%).