Na ekanamičnym forumie «Pašyrajučy haryzonty: inviestycyi, finansy, raźvićcio», što prachodzić u Minsku, zasnavalnik EPAM Arkadź Dobkin padzialiŭsia sakretami pośpiechu.
«U čym sakret pośpiechu? Miljardnaja vyručka ŭ nas užo jość. Kvartalnaja — 280 miljonaŭ. U vielmi cikavym siektary pracujem, jaki ŭvieś čas raście. Šukajem mahčymaści dla dyfierencyjacyi na rynku, vializny popyt na kampanii, jakija mohuć rabić ciažkija technałahičnyja rašeńni, ciapier usie prachodziać praź ličbavuju transfarmacyju. My stavim siabie tak, kab być surjoznym pamočnikam u hetaj transfarmacyi. I rost — heta adlustravańnie taho, što my ŭsio robim pravilna, niahledziačy na kankurencyju.
Ci možam my stać łakamatyvam ekanomiki? Nie viedaju, ale, kab hety ciahnik nie spyniaŭsia, treba nie pieraškadžać», — skazaŭ jon.
Taksama Arkadź Dobkin dadaŭ, što nie čytaŭ knihu byłoha pamočnika Łukašenki pa ekanomicy Kiryła Rudaha «Finansavaja dyjeta».
