sk.gov.by
Cieła mužčyny z kołata-rezanymi ranami znajšli ŭ kustach na abočynie darohi pobač ź vioskaj Chrypki Šumilinskaha rajona, paviedamlaje ŭpraŭleńnie SK pa rehijonie.
Śledčyja vyśvietlili asobu zabitaha — heta 33-hadovy žychar Viciebska, namieśnik dyrektara adnoj ź firmaŭ horada. Napiaredadni viečaram jon pajechaŭ na svajoj BMW X5 u Haradok, kab kupić nieruchomaść jak pryvatnaja asoba. Dadomu mužčyna nie viarnuŭsia, i svajaki źviarnulisia ŭ milicyju.
sk.gov.by
Pa padazreńni ŭ ździajśnieńni złačynstva zatrymany 34-hadovy niesudzimy žychar Haradka. Ź im pracujuć śledčyja. Padazravany byŭ niepasredna datyčny da zaklučeńnia ździełki.
Znajšli i aŭtamabil zahinułaha — jon znachodziŭsia ŭ haražnym kaapieratyvie Haradka. Zamiest sapraŭdnych na mašynie byli tranzitnyja numary Rasijskaj Fiederacyi. U haražy taksama vyjavili sapraŭdnyja numarnyja znaki, asabistyja rečy zabitaha, załatyja ŭpryhažeńni, dakumienty, pryłada złačynstva — štyk-nož.
sk.gov.by