Minčanin Uładzimir Ryžankoŭ stvaryŭ pietycyju na sajcie change.org, jakaja zaklikaje zabaranić vykarystańnie i papularyzacyju nacyjanalnaha bieł-čyrvona-biełaha ściaha. Aŭtar pietycyi ličyć biełaruski ściah «simvolikaj zdradnikaŭ».
Aŭtar pietycyi prosić Alaksandra Łukašenku zabaranić ściah, a da siłavikoŭ adrasavaŭ taki zaklik: «nie dapuścić reabilitacyi i razhortvańnia na terytoryi Biełarusi pa ŭkrainskim scenary fašyzmu z nacyjanalistyčnym tvaram banderaŭščyny, ułasaŭščyny i biełaruskaha «śviadomaha» kałabaranctva.
Ryžankoŭ taksama dadaje svaju viersiju pachodžańnia nacyjanalnaha ściaha biełarusaŭ «ad tatarskaj i polskaj šlachty» i prapanuje ŭkaranić jaje ŭ adukacyjnyja prahramy.
Akramia hetaha, Uładzimir Ryžankoŭ stvaryŭ internet-zvaroty za adradžeńnie movy Francyska Skaryny, suprać «psieŭdabiełaruskaj łacinki», adnaŭleńnie pomnika Suvoravu ŭ Kobrynie i za likvidacyju ŭ Biełarusi «fašyzmu z nacyjanalistyčnym tvaram».
