Parłamient Bałharyi ŭchvaliŭ zakonaprajekt, jaki zabaraniaje nasić u hramadskich miescach vopratku, što zakryvaje tvar. Za parušeńnie zabarony na nikab i parandžu praduhledžany štraf kala 100 dalaraŭ.
Getty
Paŭtornaje parušeńnie zakona budzie karacca pavialičanym štrafam. Maksimalnaja suma štrafu - -1500 levaŭ (kala 800 dalaraŭ).
Zhodna z zakonam, u hramadskich miescach zabaraniajecca nasić «lubuju vopratku, jakaja častkova abo całkam zakryvaje tvar».
U chodzie abmierkavańnia partyja «Ruch za pravy i svabody», jakaja pradstaŭlaje pierš za ŭsio intaresy tureckaj supolnaści ŭ krainie, krytykavała zakonaprajekt jak sprobu pasiejać relihijnuju varožaść.
Turki składajuć prykładna 13% nasielnictva Bałharyi, jany ž źjaŭlajucca samaj šmatlikaj musulmanskaj supołkaj.
Bałharskija turčanki, jak praviła, nie zakryvajuć tvary, ale heta pryniata siarod inšych, bolš kansiervatyŭnych i małalikich isłamskich supołak krainy.
U vieraśni Bałharyja źviarnułasia da Jeŭrakamisii z prośbaj pradastavić dapamohu ŭ pamiery 160 młn jeŭra dla abarony miežaŭ i abmiežavańnia patoku mihrantaŭ.
Inicyjatyva zabaranić vopratku, jakaja zakryvaje tvar, u Bałharyi ŭźnikła ŭ nievialikim horadzie Paradžyk na poŭdni krainy. Sałafickaja supołka horada akazałasia ŭ centry ŭvahi presy paśla taho, jak adzin ź jaje prapaviednikaŭ Achmied Musa trojčy trapiŭ pad sud za raspalvańnie relihijnaj varožaści.
Nikab — žanočyja musulmanskija hałaŭnyja ŭbory, jakija zakryvajuć tvar i pakidajuć tolki prarez dla vačej — užo zabaronienyja ŭ Bielhii, Francyi i Łatvii.
