Pazapłanavaje pavyšeńnie taryfaŭ na pasłuhi pa tranzicie rasijskaj nafty praz terytoryju Biełaruś źjaŭlajecca parušeńniem mietodyki, praduhledžanaj mižuradavym pahadnieńniem. Pra heta zajaviŭ daradca prezidenta «Tranśniefti», pres-sakratar Ihar Dziomin.
tass.ru
Pavodle jaho słoŭ, pahadnieńnie pamiž uradami praduhledžvaje, što dla vyznačeńnia taryfaŭ na pasłuhi pa tranzicie nafty pa mahistralnych trubapravodach u Biełarusi prymianiajecca mietodyka, zaćvierdžanaja ŭ 2010 hodzie. Zhodna z hetym miechanizmu, taryfy na tranzit nafty pa Biełarusi indeksavalisia ŭ praduhledžanym mietodykaj paradku až da lutaha biahučaha hoda.
Hetaj mietodykaj, pakazaŭ Dziomin, praduhledžany taksama i pazapłanavy pierahlad taryfaŭ. Jon «moža adbyvacca pry istotnym źmianieńni ŭmoŭ haspadarčaj dziejnaści arhanizacyj trubapravodnaha transpartu Respubliki Biełaruś, u vypadku nastupleńnia niepradbačanych i niekantralavanych abstavinaŭ, jakija ŭpłyvajuć na pakazčyki vytvorča-finansavaj dziejnaści arhanizacyi», adznačyŭ pres-sakratar.
«Tranśniefť» prainfarmavała FAS ab parušeńniach z boku Biełarusi, paviedamiŭ Dziomin.
