Mahilščyk bieła‑čyrvonych va ŭčorašnim matčy jašče niadaŭna byŭ ciažka chvory. Było nieviadoma, ci naohuł kali‑niebudź vierniecca jon na pole. Kłaśniču admovilisia słužyć nyrki, i spatrebiłasia terminovaja aperacyja. Na žal, nyrka, uziataja ŭ maci futbalista, nie pryžyłasia. Potym była pierasadžana nyrka, uziataja ad baćki Ivana.
Heta zdaryłasia hod tamu. Kłaśnič ściaŭ zuby i pačaŭ znoŭ treniravacca. Matč z Polščaj jon vyjhraŭ u pramiežku pamiž aperacyjami: jamu jašče dvojčy daviadziecca kłaścisia na chirurhičny stoł.
«Heta dla mianie jak druhoje žyćcio. Znachodžusia niby ŭ śnie, i dziakuju Bohu za mahčymaść hulać u futboł», ‑‑ kaža Ivan Kłaśnič.
«Niašmat jość ludziej, jakija viarnulisia na pole paśla takoj dramatyčnaj sytuacyi i hrajuć na vysokim prafesijnym uzroŭni», ‑‑ chvalić futbalista trenier charvackaj družyny Słavien Bilič.
Ivan Kłaśnič naradziŭsia ŭ 1980 h. u Hamburhu ŭ siamji charvackich hastarbajteraŭ, što pierabralisia ŭ Niamieččynu ź Bośnii. Karjeru pačaŭ u klubie druhoj bundeślihi «Sankt‑Paŭli». Dapamoh kamandzie vyjści ŭ bundeślihu, paśla pierajšoŭ u bremenski «Verder». Čempijon Niamieččyny 2004 hodu.
Admoviŭsia ad prapanovy hulać za zbornuju Niamieččyny, i ŭ lutym 2004 hodu aformiŭ debiut u składzie zbornaj Charvatyi ŭ sparynhu suprać niemcaŭ. Praŭda, «vohniennyja» tady sastupili ź likam 1:2.
Ivan Kłaśnič paśla hołu ŭ varoty palakaŭ |