Kali vyśvietlicca, što piedahoh abo kiraŭnik jakoj-niebudź navučalnaj ustanovy Łatvii nie łajalny svajoj krainie i jaje kanstytucyi, pracadaŭca pavinien budzie nieadkładna jaho zvolnić.
Na praciahu nastupnych 5 hadoŭ piedahohu, jaki atrymaŭ «čornuju mietku», budzie zabaroniena pracavać pa śpiecyjalnaści. Takija papraŭki da zakona ab adukacyi, jakija 4 kastryčnika pryniaŭ urad Łatvii.
Jak niełajalnaść mohuć być rascenienyja i takija dziejańni nastaŭnika, jakija «padčas navučalnaha pracesu farmujuć niapravilnaje staŭleńnie da siabie, inšych, pracy, pryrody, kultury, hramadstva i dziaržavy».
«Niełajalny da Łatvii nastaŭnik, metaj jakoha źjaŭlajecca padryŭ dziaržavy, u toj momant, kali inśpiektar znachodzicca ŭ kłasie, padniasie ŭsio jak treba. Ale jość instrumienty, jakija dazvalajuć zrazumieć, jak adroźnivajucca «fasad» i realnaja situacyja ŭ škole. Dla hetaha spatrebiacca papraŭki», — skazaŭ raniej ministr adukacyi i navuki Karlis Šadurskis.
