Katalicki kaścioł u Polščy vystupaje suprać pakarańnia žančyn, jakija pierarvali ciažarnaść. Takaja zajava ŭtrymlivajecca ŭ pres-relizie, vydadzienym paśla pasiadžeńnia Kanfierencyi jepiskapatu Polščy ŭ Varšavie.
PAP
Pres-sakratar jepiskapatu ksiondz Pavieł Rytiel-Andryjanik padkreśliŭ, što Kaścioł pradstaŭlaje adnaznačnuju pazicyju pa ciapierašniaj dyskusii na temu abarony začataha žyćcia.
Śviatar skazaŭ, što, choć Katalicki kaścioł u Polščy nie zajmajecca zakanadaŭčaj dziejnaściu, jon maje prava vykazvać svaje mierkavańni.
«U hetym kantekście biskupy nahadvajuć, što čałaviečaje žyćcio źjaŭlajecca nieparušnaj i fundamientalnaj kaštoŭnaściu», — zajaviŭ pres-sakratar Kanfierencyi jepiskapatu Polščy. Adnak jon dadaŭ, što biskupy nie padtrymlivajuć pakarańnia žančyn, jakija ździejśnili abort.
Ksiondz nahadaŭ, što pytańnie abortaŭ Katalicki kaścioł vyrašaje ŭ sakramancie ŭźjadnańnia, heta značyć padčas spoviedzi.
