Alaksandr Łukašenka prybyŭ z rabočym vizitam va Uźbiekistan. Samalot kiraŭnika dziaržavy, śledujučy pa maršrucie Isłamabad — Minsk, pryziamliŭsia ŭ aeraporcie Samarkanda.
La trapa samalota Alaksandra Łukašenki sustreŭ v.a. prezidenta Uźbiekistana, premjer-ministr krainy Šaŭkat Mirzijajeŭ.
Kiraŭnik dziaržavy naviedaŭ mohiłki «Chazrat Chizr», raźmieščanyja pobač ź miemaryjalnym kompleksam Šachi Zinda, i ŭskłaŭ kvietki na mahiłu Isłama Karymava. Paśla prysutnyja ŭšanavali pamiać pieršaha prezidenta Uźbiekistana chvilinaj maŭčańnia.
Šaŭkat Mirzijajeŭ raspavioŭ kiraŭniku Biełarusi pra historyju mohiłak «Chazrat Chizr» i miemaryjalnaha kompleksu. Zatym Alaksandr Łukašenka nakiravaŭsia ŭ Pałac forumaŭ, dzie ŭskłaŭ vianok da fatahrafii Isłama Karymava.
Tut ža kiraŭnik dziaržavy pahutaryŭ z ŭdavoj pamierłaha prezidenta Taćcianaj Karymavaj i vykazaŭ joj svaje spačuvańni.
