Raśsielhasnahlad žadaje prainśpiektavać miescy zachoŭvańnia jabłykaŭ uradžaju 2016 hoda ŭ Biełarusi, kab paćvierdzić abjomy ich vytvorčaści.
Jak paviedamlaje ŭpraŭleńnie Raśsielhasnahladu pa Branskaj i Smalenskaj abłaściach, u vieraśni-kastryčniku istotna ŭzros impart jabłykaŭ, u tym liku ź Biełarusi. Siaredniasutačny abjom uvozu pavialičyŭsia z 40 t da 400 t, pry hetym dola Biełarusi ŭ imparcie vyrasła da 85%.
Na dumku śpiecyjalistaŭ, takuju dynamiku nie varta razhladać tolki ŭ kantekście «siezona zboru ŭradžaju ŭ Biełarusi». Pavieličeńnie abjomaŭ pastavak niasie ryzyki reekspartu sadaviny z krain, jakija trapili pad embarha.
Tamu z metaj vyklučeńnia takich ryzyk i paćvierdžańnia mahčymych abjomaŭ ŭvozu jabłykaŭ ź Biełarusi, kiravańnie Raśsielhasnahladu pa Branskaj i Smalenskaj abłaściach źviarnułasia z chadajnictvam u centralny aparat ab uzhadnieńni vyjezdu fitasanitarnych inśpiektaraŭ u miescy zachoŭvańnia ŭradžaju 2016 hoda.