Šerahu vulic, jakija prajektujucca, i biezymiennych skvieraŭ u Minsku prysvojeny nazvy. Takoje rašeńnie pryniali deputaty Minskaha haradskoha savieta 18 červienia na 10‑j siesii.
Tak, vulicam, što prajektujucca ŭ žyłym rajonie Kamiennaja Horka, prysvojeny nazvy Kamiennahorskaja, Niomanskaja, Kazimiraŭskaja, Dambroŭskaja.
Padtrymana rašeńnie ab uviekaviečańni ŭ naźvie prajektavanaj vulicy na ŭčastku ad vulicy Jankoŭskaha da vulicy Hareckaha imia narodnaha artysta SSSR, Hieroja Sacyjalistyčnaj Pracy, vydatnaha dziejača charavoha mastactva Ryhora Šyrmy.
Nazvy atrymali i niekalki biezymiennych skvieraŭ. Tak, skvier na vulicach Čyhunačnaj i Minina ciapier budzie nasić imia Hieorhija Kanstancinaviča Žukava, skvier na vulicy Bieraścianskaj — horada‑pabracima Čančuń, skvier na skryžavańni vulic Zacharava i Pieršamajskaj — Simona Balivara.