Alaksandr Łukašenka ŭ adpaviednaści z č. 2 art. 91 Kanstytucyi pryznačyŭ Alaksandra Papkova členam Savieta Respubliki Nacyjanalnaha schodu Respubliki Biełaruś šostaha sklikańnia.
Jak paviedamlaje pres-słužba prezidenta, ukaz kiraŭnik dziaržavy padpisaŭ 11 kastryčnika.
Papkoŭ, deputat Pałaty pradstaŭnikoŭ čaćviortaha i piataha sklikańniaŭ staŭ pieršym pryznačencam kiraŭnika dziaržavy ŭ vierchniuju pałatu parłamienta krainy. Usiaho prezident moža pryznačyć u skład Savieta Respubliki vosiem čałaviek.
Alaksandr Papkoŭ ŭ 1998 hodzie byŭ pryznačany namieśnikam premjer-ministra Biełarusi, jaki kuryruje pytańni sielskaj haspadarki. Pracujučy z 2003 hoda na pasadzie namieśnika kiraŭnika Administracyi prezidenta, praciahvaŭ zajmacca rašeńniem stratehičnych zadač ahrarnaj ekanomiki, adradžeńnia vioski, raźvićcia jaho sacyjalnaj śfiery, kuryravaŭ pytańni kadravaj i rehijanalnaj palityki, havorycca ŭ daviedcy na sajcie Pałaty pradstaŭnikoŭ.
U Pałacie pradstaŭnikoŭ piataha sklikańnia Papkoŭ byŭ členam kamisii pa dziaržaŭnym budaŭnictvie, miascovym samakiravańni i rehłamiencie.