Brytanski rok-śpiavak Rod Ściuart paśviečany ŭ rycary padčas uračystaj cyrymonii ŭ Bukinhiemskim pałacy, jakuju pravioŭ hiercah Kiembrydžski Uiljam.
AR
Karaleva Lizavieta II nadała Ściuartu tytuł rycara za zasłuhi ŭ halinie muzyki i dabračynnaść, adznačajecca ŭ paviedamleńni Bukinhiemskaha pałaca.
Pra paśviačeńnie Ściuarta ŭ rycary stała viadoma jašče ŭ červieni. Tady muzykant skazaŭ, što atrymańnie rycarskaha zvańnia — heta «kałasalnaja ŭznaharoda», i dadaŭ, što nie moh by žadać čahości bolšaha.
Pavodle jaho słoŭ, pośpiechi jaho muzyčnaj karjery stali vynikam padtrymki ŭsiaho brytanskaha naroda.
71-hadovy Ściuart za svaju karjeru pradaŭ bolš za 100 młn płaścinak, što zrabiła jaho adnym z samych pradavanych muzykaŭ u historyi.
U śpisie 100 najvialikšych śpievakoŭ, składzienym časopisam Rolling Stone, jon zajmaje 59 miesca.
