U Kitai žyvie bolš dalaravych miljarderaŭ, čym u ZŠA — pra heta śviedčyć rejtynh, apublikavany šanchajskim daśledčym instytutam Hurun. Pryčym razryŭ pamiž krainami pavialičvajecca.
Van Cziańliń, fota AFP
Sumaj zvyš za adzin miljard dalaraŭ, pa dadzienych ekśpiertaŭ, vałodajuć 594 žychary Kitaja. Dla paraŭnańnia: u Amierycy siońnia pražyvaje 535 miljarderaŭ.
Rejtynh Hurun publikujecca štohod na praciahu apošnich 18 hadoŭ i tradycyjna pryciahvaje ŭvahu žurnalistaŭ, biznesmienaŭ i daśledčykaŭ usiaho śvietu padrabiaznaści i dakładnaściu pradstaŭlenych dadzienych. Jaho nazyvajuć anałaham śpisu, jaki składajecca amierykanskim časopisam Forbes.
Na pieršym miescy siarod kitajskich miljarderaŭ — Van Cziańliń, kiraŭnik Dalian Wanda Group, jakaja zajmajecca kamiercyjnaj nieruchomaściu i kinaprakatam, jaho majomaść aceńvajecca ŭ 32,1 młrd dalaraŭ.
Kampaniju Dalian Wanda nazyvajuć adnym z najbujniejšych u śviecie apierataraŭ kinateatraŭ: jana źjaŭlajecca suŭładalnikam sietak kinaprakatu nie tolki ŭ Kitai, ale i ŭ Aŭstralii i ZŠA.
U pačatku hetaha hoda Dalian Wanda za 3,5 młrd dalaraŭ nabyła amierykanskuju kinastudyju Legendary Entertainment.
