 |
«My žadajem vyzvaleńnia źniavolenych i sprabujem pradbačyć, što moža adbycca na vybarach, jakija stanuć hałoŭnym ispytam hatovaści Łukašenki da pieramienaŭ», — skazała ambasadar ZŠA u Biełarusi Karen Ściuart u intervju ahienctvuFrance Press.
Ambasadar Karen Ściuart havaryła z Vašynhtona, dzie jana znachodzicca paśla taho, jak biełaruskija ŭłady vymusili jaje i vialikuju častku jejnaha štata pakinuć Biełaruś, jakuju Złučanyja Štaty zavuć «apošniaj dyktaturaj Jeŭropy».
«My ŭsio jašče žadajem i hatovyja razhledzieć sposaby palapšeńnia adnosinaŭ. Ale ŭsio zaležyć ad tych krokaŭ, jakija ŭłady Biełarusi raspačnuć u staŭleńni pravoŭ čałavieka, jakija lažać u asnovie našych sankcyjaŭ», — skazała Karen Ściuart.
«My žadajem vyzvaleńnia źniavolenych i sprabujem pradbačyć, što moža adbycca na vybarach».
Ściuart padkreśliła, što Vašynhton žadaje vyzvaleńnia ŭsich palitviaźniaŭ, hałoŭnym ź jakich źjaŭlajecca apazicyjny lider Alaksandr Kazulin, były čalec urada, jaki paŭstaŭ suprać Łukašenki, pryniaŭšy ŭdzieł u vybarach 2006 h.
U dadatak parłamienckija vybary stanuć hałoŭnym ispytam hatovaści Łukašenki praciahvać vykazvać žadańnie pieramienaŭ, jakoje jon tak aściarožna pačaŭ demanstravać, skazała jana.
«Kali my ŭbačym prykmiety jahonaha žadańnia ruchacca napierad, to my, viadoma ž, budziem rady pahavaryć», — skazała jana.
«Nastupnaja važnaja viecha, dzie možna pašukać palapšeńniaŭ u biełaruskim palityčnym žyćci, — heta parłamiencki vybary i pieradvybarnaja kampanija», — zajaviła jana.
Ściuart taksama dadała, što siarod znakaŭ, što ŭkazvajuć na žadańnie Biełarusi źmianicca, było vyzvaleńnie palitviaźniaŭ, akramia Kazulina. Jarkaja postać apazicyi zastajecca za kratami, i jašče dvoje palitviaźniaŭ moładzievy aktyvist Andrej Kim i lider ruchu pradprymalnikaŭ Siarhiej Parsiukievič byli asudžanyja hetaj viasnoj.
Nahadajem, z‑za admovy ŭładaŭ vyzvalić palitviaźniaŭ Złučanyja Štaty Amieryki ŭ listapadzie ŭviali sankcyi suprać pradpryjemstvaŭ kancerna «Biełnaftachim», a 15 maja abviaścili ab ekanamičnych sankcyjach jašče suprać troch biełaruskich pradpryjemstvaŭ — «Biełaruski naftavy handlovy dom», «Łakafarba» i «Škłovałakno». Jeŭrapiejski Źviaz i ZŠA padoŭžyli zabaronu na ŭjezd u krainy JEZ i Złučanyja Štaty dla biełaruskich čynoŭnikaŭ, adkaznych za parušeńni pravoŭ čałavieka ŭ Biełarusi. Zaklik vyzvalić palityčnych źniavolenych utrymlivajecca taksama ŭ pryniataj u mai rezalucyi Parłamienckaj asamblei Savieta Jeŭropy. U pačatku červienia ZŠA i JEZ užo ŭ sumiesnaj zajavie paŭtaryli svajo patrabavańnie ab nieadkładnym i biezumoŭnym vyzvaleńni ŭsich biełaruskich palitviaźniaŭ. Adnoj z hałoŭnych umovaŭ narmalizacyi adnosinaŭ z Zachadam, akramia vyzvaleńnia palitviaźniaŭ i spynieńnia pieraśledu inšadumcaŭ uładami Biełarusi, źjaŭlajecca praviadzieńnie svabodnych parłamienckich vybaraŭ.
