Žančyna z pasiołka Balšavik Homielskaha rajona padazrajecca ŭ zamachu na zabojstva 18-hadovaj dziaŭčyny, paviedamiŭ pres-sakratar UUS Homielskaha abłvykankama Vital Prystromaŭ.
Uviečary 16 kastryčnika pamiž 86-hadovaj haspadyniaj doma i 18-hadovaj znajomaj jaje ŭnuka ź vioski Chatoŭnia (Rahačoŭski rajon), adbyŭsia kanflikt. U svarcy babulka paraniła hościu nažom. Paciarpiełaja z pranikalnym ranieńniem hrudnoj kletki źmieščana ŭ balnicu.
Matyvy, jakija šturchnuli staruju žančynu schapicca za nož, nie paviedamlajucca. Papiarednie ŭstanoŭlena, što dziaŭčyna znachodziłasia ŭ stanie ałkaholnaha apjanieńnia.
U dačynieńni da staroj žančyny zaviedziena kryminalnaja sprava pa p.1 art.14 i p.1 art.139 (zamach na zabojstva) KK Biełarusi.
0
0
0
0
0
0