Heta vynikaje z pałažeńnia ab paradku naviedvańnia zamiežnymi hramadzianami śpiecyjalnaha turyscka-rekreacyjnaha parku «Aŭhustoŭski kanał» i prylehłych da jaho terytoryj u turystyčnych metach na termin da 5 sutak, jakoje zaćvierdžana pastanovaj Savieta Ministra ad 17 kastryčnika 2016 hoda №827, paviedamili ŭ pres-słužbie biełaruskaha ŭrada.
tio.by
Dla biaźvizavaha ŭjezdu ŭ Biełaruś na termin da 5 sutak zamiežniku nieabchodna mieć z saboj pašpart (ci inšy dakumient dla vyjezdu za miažu) i dakumient, jaki daje prava na naviedvańnie parku «Aŭhustoŭski kanał». Pastanovaj zaćvierdžanyja formy takich dakumientaŭ, jakija dajuć prava na indyvidualnaje abo hrupavoje naviedvańnie Aŭhustoŭskaha kanała pry biaźvizavym paradku ŭjezdu i vyjezdu ź Biełarusi praź dziaržmiažu z Polščaj — u punktach propusku «Lasnaja» («Rudaŭka»), «Bruzhi» («Kuźnica Biełastockaja»), ź Litvoj — u punktach propusku «Pryvałka» («Šviandubre»), «Pryvałka» («Rajhardas»).
Zamiežniki pavinny paviedamić turapierataram u elektronnaj abo piśmovaj formie svaje imia i proźvišča, datu naradžeńnia, hramadzianstva (paddanstva), pašpartnyja dadzienyja, poł. Turapieratar unosić hetyja źviestki ŭ dakumient na prava naviedvańnia Aŭhustoŭskaha kanała. Turapieratar taksama arhanizuje vydaču hetaha dakumienta.
Orhany pamiežsłužby pavinny atrymać źviestki pra zamiežnikaŭ, jakija majuć dakumient na prava naviedvańnia Aŭhustoŭskaha kanała, nie paźniej za 24 hadziny da mierkavanaha času ich ujezdu ŭ Biełaruś.
U turystaŭ pavinny być hrošy dla vydatkaŭ na znachodžańnie ŭ Biełarusi i vyjezd z krainy. Na kožny dzień znachodžańnia treba mieć sumu ŭ valucie abo biełaruskich rublach, ekvivalentnuju nie mienš čym 2 bazavyč vieličyniam (ciapier 1 BV — Br21).
Zhubleny dakumient možna zamianić dublikatam. Jon taksama vydajecca turapierataram, ale kali turyst vyjaviŭ, što straciŭ dakumient, to pavinien nieadkładna źviarnucca ŭ bližejšy orhan unutranych spraŭ. Da afarmleńnia dyppradstaŭnictvam abo konsulskaj ustanovaj dakumienta dla vyjezdu ź Biełarusi vydajecca daviedka, jakaja paćviardžaje asobu zamiežnaha hramadzianina abo asoby biez hramadzianstva.
Turysty, jakija naviedali Aŭhustoŭski kanał, abaviazanyja vyjechać ź Biełarusi da zakančeńnia 5-dzionnaha terminu znachodžańnia. U vypadkach stychijnych biedstvaŭ, avaryj abo nadzvyčajnych situacyj pryrodnaha abo technahiennaha charaktaru, chvaroby abo stanu zdaroŭja, inšych niepradbačanych abstavin termin časovaha znachodžańnia i rehistracyi moža być padoŭžany, turystu budzie vydadzienaja viza.
Turapieratary abaviazanyja prainfarmavać zamiežnikaŭ ab adkaznaści za parušeńnie zakanadaŭstva Biełarusi ab pravavym stanoviščy zamiežnych hramadzian i asob biez hramadzianstva. Kantralavać znachodžańnie turystaŭ, jakija zajechali na padstavie dakumienta na prava naviedvańnia parku «Aŭhustoŭski kanał», buduć orhany ŭnutranych spraŭ Biełarusi va ŭzajemadziejańni z orhanami pamiežsłužby, dziaržbiaśpieki i Ministerstvam zamiežnych spraŭ. Turystaŭ, jakija vyjeduć za miežy dazvolenaj dla biaźvizavaha naviedvańnia terytoryi abo ŭchilacca ad vyjezdu ź Biełarusi va ŭstanoŭleny termin, mohuć pryciahnuć da administracyjnaj adkaznaści za parušeńnie zakanadaŭstva.
Pastanova nabudzie moc z 26 kastryčnika 2016 hoda i budzie dziejničać da 31 śniežnia 2017 hoda.
