U subotu ŭviečary paśla troch dzion tak zvanaha pieramirja ŭ siryjskaj pravincyi Alepa adnavilisia žorstkija bai, paviedamlaje Bi-Bi-Si sa spasyłkaj na Siryjski centr manitorynhu za vykanańniem pravoŭ čałavieka.
Foto GETTY IMAGES
Tak zvanyja «humanitarnyja paŭzy» byli abvieščanyja na hetym tydni Rasijaj, jakaja nanosić avijaŭdary ŭ padtrymku sił siryjskaha ŭrada. Režym spynieńnia ahniu pavinien byŭ zaviaršycca ŭ 19.00 pa miascovym časie 22 kastryčnika.
Ale za trochdzionny pieryjad humanitarnaja dapamoha tak i nie była dastaŭlena mirnym žycharam.
AAN abviaściła, što adsutnaść harantyj biaśpieki vymusiła jaje adkłaści płany pa evakuacyi paranienych z horada.
Centr manitorynhu adznačyŭ, što avijaŭdary adnavilisia pa klučavoj linii frontu na paŭdniovym-zachadzie horada.
Kaliści najbujniejšy siryjski horad Alepa padzieleny na dźvie častki: siły Bašara Asada kantralujuć zachad horada, paŭstancy ŭtrymlivajuć kantrol nad uschodnimi rajonami.
